ÌìÃÀÓ°Ôº

Pryd y dylech lenwi’r ffurflen hon

Mae’n rhaid i chi lenwi’r ffurflen hon os ydych chi’n ymddiriedolwr o ymddiriedolaeth buddiant cymhwysol mewn meddiant ac mae buddiant y buddiolwr wedi dod i ben ar ei farwolaeth. Bydd yr ymddiriedolaeth buddiant mewn meddiant yn un o’r canlynol:

• ymddiriedolaeth a sefydlwyd cyn 22 Mawrth 2006 ac yr oedd hawl gan yr ymadawedig i gael budd ohoni 
• buddiant ar gael yn syth ar ôl y farwolaeth 
• buddiant person anabl 
• buddiant cyfresol trosiannol 
• buddiant mewn meddiant a brynwyd

Cyn i chi ddechrau 

Sicrhewch eich bod wedi darllen yr holl nodiadau perthnasol cyn i chi ddechrau i lenwi’r ffurflen. 

Gellid cynnwys rhai mathau o asedion mewn mwy nag un adran o’r ffurflen, fel stociau a chyfranddaliadau, felly gwnewch yn siŵr eich bod yn eu rhoi yn yr adran gywir. Peidiwch â chynnwys yr un ased mewn mwy nag un adran.

Nid oes angen i chi anfon copïau o ddogfennau atom (er enghraifft, llythyr gan fanc sy’n dangos y balans mewn cyfrif, neu dystiolaeth o rwymedigaethau) oni bai ein bod yn gofyn yn benodol i chi wneud hynny. 

Mae’n rhaid i chi gadw’r holl ddogfennau rydych chi wedi’u defnyddio i lenwi’r ffurflen – efallai y byddwn yn gofyn i chi am rai neu bob un ohonynt yn nes ymlaen.

Adran A: ynglŷn â’r ymddiriedolaeth 

Mae’n rhaid i chi gynnwys enw a manylion ynglŷn â’r ymddiriedolaeth.

Y dyddiad y dechreuodd yr ymddiriedolaeth 

Dyma’r dyddiad pan gafodd yr asedion eu rhoi yn yr ymddiriedolaeth am y tro cyntaf.Ìý

Os oedd mewn ymddiriedolaeth ewyllys, dylech gynnwys y dyddiad marwolaeth ym mlwch A2.

Cyfeirnod Unigryw y Trethdalwr (UTR)Ìý

Rhif 10 digid yw hwn. Byddwch yn cael UTR pan fyddwch chi’n cofrestru ar gyfer Treth Incwm neu’n sefydlu cwmni cyfyngedig.Ìý

Dysgwch sut i ddod o hyd i’ch rhif UTR. 

Os nad oes gan yr ymddiriedolaeth UTR, dylech adael blwch A3 yn wag.

Adran B: ynglŷn â’r ymddiriedolwyr 

Dylech gynnwys enw a chyfeiriadau ar gyfer yr holl ymddiriedolwyr yr ymddiriedolaeth.Ìý

Adran C: manylion y person neu’r busnes sy’n delio â’r digwyddiad hwn 

Dylech gynnwys y canlynol: 

• enw a manylion personol y person a fydd yn delio â’r ymddiriedolaeth 

• manylion cyfrif lle dylid gwneud unrhyw ad-daliadau Treth Etifeddiant 

Os ydych chi’n llenwi’r ffurflen heb gymorth cyfreithiwr neu gyfrifydd ac am i CThEF ysgrifennu atoch chi, ond am i rywun arall ddelio â galwadau ffôn, dylech gynnwys awdurdod ysgrifenedig ar wahân pan fyddwch yn anfon y ffurflen atom.

Adran D: ynglŷn â’r person sydd nawr wedi marw 

Dyma’r person a fu’n fuddiolwr yr ymddiriedolaeth.

Adran E: Buddiant mewn meddiant yr ymadawedig a buddiannau yn y dyfodol

Os ydych chi’n ateb ‘Na’ i flwch E3 ac nad ydych wedi nodi bod gan yr ymadawedig unrhyw un o’r buddiannau ym mlwch E1, mae’n rhaid i chi esbonio pam rydych chi’n llenwi’r ffurflen hon yn yr adran ‘Gwybodaeth ychwanegol’ ar y diwedd.Ìý

Buddiant mewn meddiant cyn 22 Mawrth 2006 

Mae buddiant cymhwysol mewn meddiant (QIIP) yn ymddiriedolaeth sy’n dal eiddo i berson (neu gwmni) sydd â’r hawl i incwm neu fwynhad yr eiddo a ddelir.

Ar ôl 22 Mawrth 2006, dim ond os yw’n fuddiant yn syth ar ôl y farwolaeth, buddiant person anabl neu fuddiant cyfresol trosiannol. Dewch o hyd i ragor o wybodaeth am fuddiannau mewn meddiant (yn agor tudalen Saesneg).Ìý

Buddiant yn syth ar ôl y farwolaeth 

Mae hyn pan fydd buddiolwr yn cael budd o ymddiriedolaeth buddiant mewn meddiant, a grëwyd gan ewyllys neu o dan reolau diewyllysedd, person sydd wedi marw, ac nid yw’r ymddiriedolaeth yn gymwys fel ymddiriedolaeth ar gyfer plentyn mewn profedigaeth, neu fuddiant person anabl.

Buddiant person anabl 

Mae hon yn ymddiriedolaeth sy’n bodloni gofynion penodol ynghylch sut y gellir cymhwyso incwm a chyfalaf yr ymddiriedolaeth yn ystod oes y person anabl. Mae’n cael ei drin fel buddiant cymhwysol mewn meddiant ac mae’n rhan o ystâd y buddiolwr ar ei marwolaeth.

Buddiant cyfresol trosiannol 

Mae hyn yn ymddiriedolaeth buddiant mewn meddiant nad yw’n ymddiriedolaeth plant mewn profedigaeth neu fuddiant person anabl. Gall ddechrau mewn 3 ffordd.Ìý

Mae’r cyntaf fel buddiant mewn meddiant sy’n dechrau rhwng 22 Mawrth 2006 a 5 Hydref 2008. Mae’n rhaid iddo ddilyn buddiant mewn meddiant blaenorol a oedd mewn effaith cyn 22 Mawrth 2006.

Yr ail yw buddiant mewn meddiant sy’n trosglwyddo i briod neu bartner sifil y buddiolwr ar farwolaeth y buddiolwr. Mae hyn ond yn berthnasol os yw’r buddiolwr wedi marw ar ôl 5 Hydref 2008.Ìý

Y trydydd yw lle mae eiddo’r ymddiriedolaeth yn bolisi yswiriant bywyd ac mae cadwyn ddi-dor o fuddiannau mewn eiddo sy’n dod i ben ar farwolaeth

Buddiant mewn meddiant a brynwyd

Mae hwn yn ymddiriedolaeth buddiant mewn meddiant mewn lle mae pob un o’r canlynol yn berthnasol: 

• cafodd ei brynu gan y buddiolwr trafodyn hyd fraich 
• cododd ar neu ar ôl 9 Rhagfyr 2009 
• roedd y buddiolwr yn byw yn y DU ar y pryd

Ynglŷn â’r setlwr

Mae cwestiynau yn E6 yn ymwneud â’r person a sefydlodd neu ychwanegodd eiddo i’r ymddiriedolaeth (y setlwr). Mae’n ofynnol i chi ateb y cwestiynau hyn a chwblhau unrhyw un o’r atodlenni y cyfeirir atynt. Gallwch ddod o hyd i ragor o wybodaeth am breswylio tymor hir yn y DU yn y llawlyfr Treth Etifeddiant (yn agor tudalen Saesneg) neu ddomisil a domisil tybiedig yn adran IHTM13000 o’r llawlyfr Treth Etifeddiant (yn agor tudalen Saesneg).

Adran F: manylion tudalennau’r atodlen 

Mae’n bosibl y bydd angen i chi lenwi adrannau ychwanegol, a elwir yn ‘atodlenni’, os ydych yn rhoi gwybod i CThEF ynghylch y mathau canlynol o incwm.

Domisil neu fan preswylio tymor hir person sy’n byw yn y DU

Bydd angen i chi lenwi atodlen D31a os nad oedd y setlwr yn breswylydd tymor hir yn y DU.

Bydd angen i chi lenwi atodlen D31b os ydych wedi dweud bod y person yn breswylydd tymor hir yn y DU ond bod darpariaethau trosiannol yn berthnasol.

Bydd angen i chi lenwi atodlen D31 os oedd y person rydych chi’n rhoi gwybod i ni amdano wedi ei domisil y tu allan i’r DU (yn agor tudalen Saesneg) ar yr adeg berthnasol.

Os yw stociau a chyfranddaliadau wedi’u cynnwys 

Dylech lenwi atodlen D32 (yn agor tudalen Saesneg) os yw’r asedion yn cynnwys unrhyw stociau a chyfranddaliadau. 

Os oedd unrhyw ddyledion yn ddyledus i’r ymddiriedolaeth 

Dylech lenwi atodlen D33 (yn agor tudalen Saesneg) os oedd unrhyw arian ar fenthyg gan yr ymddiriedolaeth. Er enghraifft, morgais neu fenthyciad personol nad yw wedi’i ad-dalu ar ddyddiad y digwyddiad trethadwy.

Os oedd unrhyw bolisïau yswiriant yn gysylltiedig

Dylech lenwi atodlen D34 (yn agor tudalen Saesneg) os oes unrhyw bolisïau yswiriant wedi’u cynnwys yn y digwyddiad.Ìý

Os yw nwyddau i’r tŷ a nwyddau personol wedi’u cynnwys

Dylech lenwi atodlen D35 (yn agor tudalen Saesneg) os yw’r asedion yn cynnwys unrhyw nwyddau i’r tŷ a nwyddau personol.

Os yw tir ac adeiladau wedi’u cynnwys 

Dylech lenwi atodlen D36 (yn agor tudalen Saesneg) os yw’r asedion yn cynnwys tir, adeiladau, coed neu dangoed yn y DU.

Os ydych yn hawlio rhyddhad eiddo amaethyddol 

Dylech lenwi atodlen D37 (yn agor tudalen Saesneg) os ydych yn didynnu rhyddhad eiddo amaethyddol. 

Os ydych yn hawlio rhyddhad eiddo busnes

Dylech lenwi atodlen D38 (yn agor tudalen Saesneg) os ydych yn didynnu rhyddhad eiddo busnes.

Os yw asedion tramor wedi’u cynnwys 

Dylech lenwi atodlen D39 (yn agor tudalen Saesneg) os yw unrhyw un o’r asedion y tu allan i’r DU.

Adran G: Asedion yn y DU a ddelir mewn ymddiriedolaeth 

Llenwch adran G gyda manylion yr holl asedion sy’n rhan o’r ymddiriedolaeth hwn.Ìý

Mae’n rhaid i chi brisio’r holl asedion fel pe bai pob eitem wedi’i gwerthu ar ddyddiad y digwyddiad trethadwy. Gelwir hyn y ‘gwerth marchnad agored’. 

Talgrynnwch werth yr asedion a’r rhwymedigaethau i lawr i’r £1 agosaf. Dylid dangos treth i’r geiniog agosaf.

Mae’n rhaid i bob blwch ddangos cyfanswm pob math o ased. Er enghraifft, dylai blwch G2 ddangos cyfanswm yr holl gyfrifon banc a chymdeithasau adeiladu. 

Asedion lle gellir talu treth mewn rhandaliadau 

Gellir talu asedion a gynhwysir yng ngholofn B mewn rhandaliadau blynyddol dros 10 mlynedd.

Dysgwch ragor am asedion y gellir eu talu mewn rhandaliadau.Ìý

Fel arfer mae’n rhaid i chi dalu llog ar randaliadau, ond mae rhai asedion sy’n gymwys i gael rhyddhad rhag llog (yn agor tudalen Saesneg). Mae’r rhandaliadau hyn yn rhydd o log dim ond os yw’r rhandaliad yn cael ei dalu ar neu cyn y dyddiad dyledus.

G1 Tai, adeiladau a thir 

Mae’n rhaid i chi nodi gwerth holl eiddo rhydd-ddaliad, lesddaliad, etifeddol ac eiddo symudol arall yn y DU sydd wedi’u cynnwys yn y trosglwyddiad hwn. Peidiwch â chynnwys ffermdai na thir fferm. 

Os oes gennych brisiad proffesiynol, atodwch gopi gyda’r ffurflen hon. 

Mae angen i chi hefyd lenwi atodlen D36 (yn agor tudalen Saesneg) sy’n rhoi manylion pob eitem o dir.

G2 Banc, cymdeithas adeiladu a chyfrifon ariannol eraill 

Mae’n rhaid i chi gynnwys pob cyfrif gyda’r canlynol: 

• ²ú²¹²Ô³¦â€¯
• cymdeithas adeiladu
• cymdeithas gilyddol, cyfeillgar neu gydweithredol 
• ²¹°ù³¦³ó´Ú²¹°ù³¦³ó²Ô²¹»å 
• cwmni yswiriant

Rhestrwch bob cyfrif neu fuddsoddiad ar wahân yn yr adran ‘Gwybodaeth ychwanegol’. Os oes gennych ffigurau ar wahân ar gyfer cyfalaf a llog, dangoswch y rhain ar wahân.

G3 Arian parod 

Mae hyn yn cynnwys unrhyw sieciau a wneir i’r trosglwyddai. 

G4 Bondiau Premiwm a chynhyrchion Cynilion a Buddsoddiadau Cenedlaethol (NS&I) 

Rhestrwch bob cyfrif neu fuddsoddiad ar wahân yn yr adran ‘Gwybodaeth ychwanegol’. Os oes gennych ffigurau ar wahân ar gyfer cyfalaf a llog, dangoswch y rhain ar wahân. 

os nad ydych yn gwybod y gwerth ar ddyddiad y trosglwyddiad.

G5 Nwyddau i’r tŷ a nwyddau personol 

Dylech gynnwys yr holl nwyddau sydd wedi’u cynnwys yn y trosglwyddiad. Er enghraifft, tsieni, dillad, gemwaith a cheir. Bydd angen i chi hefyd lenwi atodlen D35 (yn agor tudalen Saesneg).

G6 Polisïau aswiriant bywyd, pensiynau a diogelu morgeisi 

Rhowch wybod i ni am unrhyw bensiynau a pholisïau sydd wedi’u cynnwys yn y trosglwyddiad. Os oedd y trafodyn yn cynnwys polisi aswiriant bywyd, ond nad oeddent mewn gwirionedd ymhlith yr asedion a gynhwysir yn y digwyddiad trethadwy rydych yn rhoi gwybod i ni amdano, mae angen i ni wybod am y trefniadau.

Mae’n rhaid i chi lenwi atodlen D34 (yn agor tudalen Saesneg) a chynnwys copi o bob polisi pan fyddwch yn anfon y ffurflen. 

G7 Gwarantau Llywodraeth y DU a gwarantau bwrdeisiol

Dylech gynnwys: 

• Stoc y Trysorlys 
• Stoc y Siecr 
• Stoc Drosadwy 
• stoc a benthyciadau cyfunol 
• Stoc Ariannu 
• Bondiau Cynilo 
• Bondiau Buddugoliaeth 
• Benthyciadau Rhyfel 

• stoc y Llywodraeth a gedwir ar Gofrestr Banc Lloegr 

• bondiau a gyhoeddwyd gan endidau trefol (awdurdodau llywodraeth leol)

Dylech lenwi atodlen D32 (yn agor tudalen Saesneg) er mwyn roi gwybod i ni amdanynt.

G8 Stociau, cyfranddaliadau a buddsoddiadau a restrwyd 

Dylech gynnwys: 

• pob stoc, cyfranddaliad, dyledeb a gwarantau a restrwyd ar Restr Ddyddiol Swyddogol y Gyfnewidfa Stoc 
• ymddiriedolaethau unedol 
• ymddiriedolaethau buddsoddi 
• cwmnïau buddsoddi pen agored 
• cyfranddaliadau a restrir ar gyfnewidfa stoc gydnabyddedig sy’n rhan o Gyfrif Cynilo Unigol (ISA)
• cyfranddaliadau tramor a restrir ar Gyfnewidfa Stoc Llundain

Peidiwch â chynnwys cyfranddaliadau a restrwyd a oedd yn rhoi rheolaeth dros gwmni i’r ymadawedig. Dylech gynnwys y rhain ym mlwch G12. 

Mae’n rhaid i chi hefyd lenwi atodlen D32 (yn agor tudalen Saesneg).

G9 Difidendau neu log ar stociau, cyfranddaliadau a gwarantau 

Defnyddiwch atodlen D32 i lenwi’r blwch hwn. Dylech gynnwys cyfanswm gwerth y difidendau a’r llog ar asedion ym mlychau G7, G8, G10, G11 ac G12 sy’n ddyledus ar ddyddiad y trosglwyddiad ond nad oeddent wedi’u talu eto.

G10 Cyfranddaliadau anrhestredig a fasnachwyd, a chyfranddaliadau anrhestredig, ac eithrio daliannau sy’n rhoi rheolaeth 

Os nad yw cwmni wedi’i restru ar Gyfnewidfa Stoc Llundain, unrhyw gyfnewidfa stoc a gydnabyddir tramor neu farchnad amgen, mae ei gyfranddaliadau a’i warantau yn cael eu dosbarthu fel heb eu rhestru. 

Dylech nodi cyfanswm gwerth y stociau a’r cyfranddaliadau canlynol os nad oedd gan y setlwr reolaeth dros y cwmni:

• stociau a chyfranddaliadau anrhestredig mewn cwmnïau cyfyngedig preifat 

• cyfranddaliadau a fasnachwyd ar y Farchnad Fuddsoddi Amgen (AIM), gan gynnwys cyfranddaliadau sy’n rhan o ISA 

• cyfranddaliadau a ddelir mewn Cynllun Buddsoddiad Menter (EIS) neu mewn Cynllun Dechrau Busnes (BSS) 

Mae’n rhaid i chi hefyd gynnwys y rhain pan fyddwch yn llenwi atodlen D32 (yn agor tudalen Saesneg).

G11 Rhandaliadau ar gyfranddaliadau 

Mae’n bosibl y byddwch yn gallu talu treth mewn rhandaliadau ar gyfranddaliadau anrhestredig, nad ydynt yn gymwys i gael rhyddhad busnes, os yw unrhyw un o’r canlynol yn berthnasol:

• gallwch ddangos y bydd talu mewn un swm yn achosi caledi ariannol
• mae o leiaf 20% o’r dreth sy’n ddyledus ar asedion sy’n gymwys i gael eu talu mewn rhandaliadau 

• mae’r cyfranddaliadau’n werth mwy nag £20,000 ac yn ffurfio:

  • o leiaf 10% o werth cyfanswm y cyfranddaliadau a gyhoeddwyd gan y cwmni 

  • o leiaf 10% o werth cyfranddaliadau cyffredin a ddelir yn y cwmni

Os oes gennych dreth i’w thalu ar ddaliannau cyfranddaliadau anrhestredig, nad ydynt yn rhoi rheolaeth, ac mae’r rhain yn gymwys i’w talu mewn rhandaliadau, nodwch werth y cyfranddaliadau ym mlwch E11. Gallwch ddod o hyd i’r gwerth hwn ym mlychau 3 a 4 yn atodlen D32.Ìý

G12 Daliannau sy’n rhoi rheolaeth ar gyfer cyfranddaliadau anrhestredig, cyfranddaliadau anrhestredig a fasnachwyd a chyfranddaliadau rhestredig 

Os oedd gan y person a wnaeth y trosglwyddiad reolaeth dros y cwmni, dylech gynnwys:

• cyfranddaliadau a fasnachwyd ar AIM, gan gynnwys cyfranddaliadau sy’n rhan o ISA 
• cyfranddaliadau masnachu ar yr Off Exchange (OFEX)

Mae’n rhaid i chi hefyd lenwi atodlen D32 (yn agor tudalen Saesneg), gan gynnwys y stociau a’r cyfranddaliadau.

G13 Ffermydd, ffermdai a thir ffermio 

Dylech gynnwys cyfanswm gwerth yr asedion rydych yn didynnu rhyddhad amaethyddol arnynt. 

Mae’n rhaid i chi hefyd lenwi atodlen D36 (yn agor tudalen Saesneg), gan roi manylion llawn yr asedion os ydych am hawlio rhyddhad. 

G14 Busnesau gan gynnwys busnesau ffermio, asedion busnes a choed 

Dylech gynnwys gwerth net buddiant mewn busnes ar ddyddiad y digwyddiad trethadwy.

Os yw’r setlwr wedi cymryd rhan mewn mwy nag un busnes, mae’n bosibl y bydd angen i chi lenwi atodlen D38 (yn agor tudalen Saesneg) ar gyfer pob busnes neu bartneriaeth. Nodwch gyfanswm gwerth yr holl fusnesau ym mlwch G14.

G15 Tir, adeiladau a hawliau eraill dros dir 

Dylech gynnwys gwerth unrhyw dir, adeiladau neu hawliau eraill dros dir nad ydynt wedi’u cynnwys mewn unrhyw flychau eraill ar y ffurflen hon. 

Gallai hyn gynnwys: 

• eiddo sydd wedi eu gosod 
• garejys cloi 
• tir segur
• eiddo diffaith 
• ³¦³ó·É²¹°ù±ð±ô¾±â€¯
• meysydd awyr 
• hawliau pysgota neu hawliau eraill sydd ynghlwm wrth dir

Mae’n rhaid i chi hefyd lenwi atodlen D36 (yn agor tudalen Saesneg) gyda manylion y tir neu’r eiddo. 

G16 Dyledion sy’n ddyledus i’r Ymddiriedolaeth 

Dylech nodi’r ffigur o flwch 3 pan fyddwch yn llenwi atodlen D33 (yn agor tudalen Saesneg).

G17 Ad-daliad Treth Incwm neu Dreth Enillion Cyfalaf 

Dylech nodi cyfanswm unrhyw dreth a ad-dalwyd i’r ymddiriedolaethau. Os nad ydych yn gwybod yr union swm, dylech roi amcangyfrif rhesymol. 

G18 Asedion eraill

Dylech nodi cyfanswm gwerth unrhyw asedion eraill nad ydynt eisoes wedi’u cynnwys. Mae’n rhaid i chi gynnwys manylion yr asedion hyn yn yr adran ‘Gwybodaeth ychwanegol’.Ìý

Adran H: rhwymedigaethau, esemptiadau a rhyddhadau

Dylech gynnwys dyledion a oedd yn ddyledus gan yr ymddiriedolaeth ar ddyddiad y digwyddiad trethadwy yn unig

Peidiwch â chynnwys y canlynol: 

• ffioedd am wasanaethau proffesiynol a gynhelir ar ôl dyddiad y digwyddiad 

• unrhyw ffioedd cyfreithiwr, ffioedd asiant eiddo neu ffioedd prisio a ysgwyddwyd wrth ddelio â’r digwyddiad

¸é³ó·É²â³¾±ð»å¾±²µ²¹±ð³Ù³ó²¹³ÜÌý

Ar gyfer blwch H1, dylech restru’r holl ddyledion sy’n ddyledus gan y trosglwyddwr y gellir eu didynnu o’r asedion a gynhwysir yn adran G, colofn A.Ìý

Dylech lenwi enw’r person neu’r sefydliad y mae’r arian yn ddyledus iddo ac esbonio’n fras pam mae’r arian yn ddyledus. Os ydych yn cynnwys didyniad ar gyfer ffioedd cyfreithiwr neu gyfrifydd, rhowch y dyddiadau ar gyfer y cyfnod pan gafodd y gwaith ei gwneud.

Ar gyfer blwch H2, dylech gynnwys rhyddhad ac eiddo sydd wedi’i eithrio yn erbyn asedion a restrir yn adran G, colofn B yn unig.Ìý

Esemptiadau a rhyddhadau

Mae nifer o ryddhadau sy’n lleihau gwerth y trosglwyddiad y mae angen i chi dalu treth arno.

Dysgwch am y canlynol:

• esemptiadau yn adran IHTM11000 o’r Llawlyfr Treth Etifeddiant (yn agor tudalen Saesneg)
• Rhyddhad Amaethyddol (yn agor tudalen Saesneg)
• Rhyddhad Busnes (yn agor tudalen Saesneg)

I ddidynnu rhyddhad yn erbyn yr asedion a restrir ym mlychau G1 i G18, dylech ysgrifennu teitl y rhyddhad a’r swm yr hoffech ei ddidynnu yn y lle a ddarperir.Ìý

Ar gyfer blwch H3, dylech dim ond cynnwys rhyddhad yn erbyn asedion a restrir yn adran G, colofn A. Ychwanegwch y rhyddhadau at ei gilydd ac ysgrifennwch yn y blwch cyfanswm.Ìý

Ar gyfer blwch H4, dylech dim ond cynnwys rhyddhad ac eiddo eithriedig yn erbyn asedion a restrir yn adran G, colofn B.

Adran I: datgelu cynlluniau arbed treth 

Dylech gynnwys y ddau beth canlynol: 

• cyfeirnod yr hyrwyddwr neu’r cynllun, os ydych wedi cael un 
• y flwyddyn dreth neu’r dyddiad pan ddisgwylir y fantais dreth

Dysgwch am gynlluniau arbed treth. 

¶Ù²¹³Ù²µ²¹²Ô¾±²¹»åÌý

Mae’n rhaid i chi wneud yn siŵr bod yr holl ymddiriedolwyr wedi darllen y datganiad ac yn cytuno bod yr wybodaeth a roddir ar y ffurflen, unrhyw atodlenni a dogfennau ategol eraill yn gywir.

Bydd CThEF yn derbyn ffurflenni IHT100 heb lofnod gwlyb gan asiant neu ymddiriedolwr, cyn belled â bod enwau a manylion personol yr ymddiriedolwyr yn cael eu dangos ar y dudalen ddatganiad.

Os ydych yn asiant

Mae’n rhaid i chi gynnwys y datganiad canlynol yn y blwch gwybodaeth ychwanegol ar dudalen 11: 

‘Fel yr asiant sy’n gweithredu ar eu rhan, rwy’n cadarnhau bod yr holl bobl, y mae eu henwau’n ymddangos ar dudalen datganiad y ffurflen IHT100b (marwolaeth) hon, wedi gweld yr IHT100b (marwolaeth) ac wedi cytuno i gael eu rhwymo gan y datganiad ar dudalen 10 yr IHT100b (marwolaeth).’

Os ydych yn ymddiriedolwr

Mae’n rhaid i chi gynnwys y datganiad canlynol yn y blwch gwybodaeth ychwanegol ar dudalen 11:

‘Fel yr ymddiriedolwr sy’n gweithredu yn y mater hwn, rwy’n cadarnhau bod yr holl bobl, y mae eu henwau’n ymddangos ar dudalen datganiad y ffurflen IHT100b (marwolaeth) hon, yn ymddiriedolwyr ac wedi gweld yr IHT100b (marwolaeth) ac wedi cytuno i gael eu rhwymo gan y datganiad ar dudalen 10 yr IHT100b (marwolaeth).’

Anfon eich ffurflen wedi’i llenwi atom 

Dylech anfon y ffurflen i’r cyfeiriad a ddangosir ar waelod y ffurflen.Ìý

Gwnewch yn siŵr eich bod yn cynnwys y canlynol:

• copïau o unrhyw ddogfen yr ydym wedi gofyn amdani

• unrhyw atodlenni wedi’u cwblhau (darllenwch adran D)

Dysgwch am yr hyn sy’n digwydd ar ôl i chi anfon eich ffurflen wedi’i llenwi atom (yn agor tudalen Saesneg).

±á±ð±ô±èÌý

Cysylltwch â’r llinell gymorth Treth Etifeddiant os oes angen help arnoch i lenwi’r ffurflen hon.